Sugar Factory Scam: తీగ లాగితే కదిలిన చక్కెర పరిశ్రమ డొంక

sugar factory funds scam: ఉభయ గోదావరి జిల్లాల పరిధిలోని రైతుల పేర్లతో బ్యాంకుల నుంచి రూ.300 కోట్లను దారి మళ్లించిన వ్యవహారంపై ఎట్టకేలకు స్పష్టత వచ్చింది. సంక్షోభంలో ఉన్న చక్కెర కర్మాగారాన్ని గట్టెక్కించాలన్న కారణం చూపించే.. రైతులకు తెలియకుండానే ఫ్యాక్టరీ యాజమాన్యం, బ్యాంకు అధికారులతో కుమ్మక్కై పాల్పడిన ఈ కుంభకోణంలో చర్యలకు రంగం సిద్ధమైంది.

sugar factory funds scam: పన్నెండేళ్ల క్రితం వెలుగు చూసిన చక్కెర కర్మాగారం బ్యాంకు రుణాల కుంభకోణంపై ఎట్టకేలకు ఇప్పటికి స్పష్టత వస్తోంది. సంక్షోభంలో ఉన్న పరిశ్రమను గట్టెక్కించాలన్న కారణం చూపించి రైతుల పేర్లతో బ్యాంకుల నుంచి రూ.300 కోట్లను దారి మళ్లించిన వ్యవహారం అప్పట్లో వివాదాస్పదమైంది. ఉభయ గోదావరి జిల్లాల పరిధిలో రైతులకు తెలియకుండానే ఫ్యాక్టరీ యాజమాన్యం, బ్యాంకు అధికారులతో కుమ్మక్కై పాల్పడిన ఈ కుంభకోణంలో చర్యలకు రంగం సిద్ధమైంది. ఇప్పటికే పలువురిని అదుపులోకి తీసుకొని విచారిస్తున్న సీఐడీ అధికారులు కొద్ది రోజుల్లో ఛార్జిషీటు దాఖలు చేయనున్నారు.

jaipur sugars scam: పశ్చిమ గోదావరి జిల్లా చాగల్లులోని జైపూర్‌ షుగర్స్‌ ఆధ్వర్యంలో వీవీఎస్‌ షుగర్స్‌ పేరుతో ఓ సంస్థ నడిచేది. ఆ సంస్థ ప్రతినిధులు, బ్యాంక్‌ ఆఫ్‌ ఇండియాలో కొందరు అధికారులతో కలిసి అప్పట్లో రైతుల పేరున బ్యాంకు నుంచి సదరు సంస్థ నిర్వహణకు అవసరమైన ధనాన్ని దొడ్డిదారిన తీసుకున్నారు. ఉభయ గోదావరి జిల్లాల్లో పలువురు చెరకు రైతుల పేరుతో ఆయా ప్రాంతాల్లోని బ్యాంకుల నుంచి రుణంగా రూ.300 కోట్లు వీవీఎస్‌ షుగర్స్‌ ఖాతాలోకి మళ్లించినట్లు అభియోగం.

కుంభకోణంలో 66 మంది...

ఈ విషయం 2009లో రాజమహేంద్రవరం ప్రాంతానికి చెందిన కొందరు రైతుల ఫిర్యాదుతో వెలుగులోకి వచ్చింది. అనంతరం 2013లో మరో కేసు కూడా దీనిపై నమోదై సీఐడీ విచారణ మొదలు పెట్టింది. ఆ క్రమంలో గత 4నెలలుగా ఉభయ గోదావరి జిల్లాల రీజినల్‌ సీఐడీ విభాగం అధికారులు విచారణ వేెగవంతం చేసి కుంభకోణంలో 66 మందిని నిందితులుగా గుర్తించారు. బ్యాంక్‌ ఆఫ్‌ ఇండియాకు సంబంధించి 24 మందిని గుర్తించగా.. అందులో ఇద్దరు మృతి చెందారు. ఫ్యాక్టరీకి సంబంధించి 36 మంది అధికారులు, సిబ్బంది, యాజమాన్య సభ్యుల్లో మరో ఎనిమిది మందిని గుర్తించి విచారించారు. వీరిపై ఛార్జిషీటు ఫైల్‌ చేసి ఏలూరు, కాకినాడ కోర్టుల్లో హాజరుపరిచేందుకు అధికారులు రంగం సిద్ధం చేస్తున్నారు.

ఇదీ చూడండి: