radheshyam movie: రాష్ట్రవ్యాప్తంగా రాధేశ్యామ్ సినిమా ప్రదర్శిస్తున్న థియేటర్ల దగ్గర ప్రభాస్ అభిమానులు సంబరాలు జరుపుకుంటున్నారు. ఉదయం నుంచే థియేటర్ల దగ్గరకు భారీ ఎత్తున చేరుకుని బాణసంచా కాల్చి.. కేకులు కోసి సందడి చేస్తున్నారు.
కేంద్రపాలిత ప్రాంతమైన యానాంలో రెబల్ స్టార్ ప్రభాస్ నటించిన రాధేశ్యామ్ చిత్రాన్ని చూసేందుకు అభిమానులు తరలివచ్చారు. రాధేశ్యామ్ చిత్రాన్ని అభిమానులతో కలిసి ఎమ్మెల్యే గొల్లపల్లి అశోక్ తిలకించారు. రెబల్ అభిమానులు కేరింతలతో థియేటర్ ప్రాంగణం కోలాహలంగా మారింది. ప్రత్యేక ప్రదర్శనలో భాగంగా ఉదయం ఐదున్నర గంటలకే ప్రారంభమైన చిత్ర ప్రదర్శనను అభిమానుల కోరిక మేరకు థియేటర్‌లో ఎమ్మెల్యే అశోక్ వీక్షించారు.