తూర్పు గోదావరి జిల్లా పిఠాపురం గ్రామీణ పోలీసు స్టేషన్లో ఏఎస్సై, హెడ్‌కానిస్టేబుల్‌ పోలీసు స్టేషన్లోనే బూతులు తిట్టుకుని కొట్టుకున్నారు. ఓ కేసు వివారాలు సేకరించే క్రమంలో వారిద్దరూ గొడపడి కొట్టుకున్నారు.
రైటర్‌గా బాధ్యతలను నిర్వర్తిస్తున్న హెడ్ కానిస్టేబుల్ జనార్దనరావును ఒక కేసు వివరాలు పెన్‌డ్రైవ్‌లో లోడ్‌ చేసి, ప్రింట్‌ తీసి ఇవ్వాలని ఏఎస్సై తిరుమలరావు ఆదేశించారు. పెన్‌డ్రైవ్‌లో వైరస్‌ ఉందని, సమాచారం లోడ్‌ చేసి ప్రింట్‌ తీయడం ఆలస్యమవుతుందని జనార్దనరావు సమాధానం ఇచ్చారు. దీంతో ఇద్దరి మద్య వాదన మొదలైంది. ఎస్సై పక్క గదిలోనే ఉన్నా వీరిద్దరు బూతులు తిట్టుకుంటూ కొట్టుకున్నారు. ఏఎస్సై చెవిపైన, హెడ్ కానిస్టేబుల్‌కు ఛాతీపైన స్వల్ప గాయాలయ్యాయి.