ప్రభల తీర్థంపై ప్రధాని స్పందన... ఉత్సాహంలో కోనసీమ యువత

ప్రభల తీర్థాలకు కోనసీమ ముస్తాబైంది. ఈ వేడుక విశిష్టతపై తూర్పు గోదావరి జిల్లా గంగలకుర్రు అగ్రహారానికి చెందిన సతీష్ అనే యువకుడు పంపిన ఈ మెయిల్​కు.. ప్రధాని మోదీ నుంచి స్పందన వచ్చింది. ప్రజలకు అభినందనలు తెలుపుతూ.. మోదీ సందేశం పంపించారు.

సంక్రాంతి సందర్భంగా కనుమ రోజు కోనసీమ వ్యాప్తంగా ప్రభలతీర్థాలు నిర్వహిస్తారు. ఇవి సుమారు 175 గ్రామాలో జరుగుతాయి. వీటిలో అత్యంత ప్రాముఖ్యమైనది తూర్పు గోదావరి జిల్లా జగ్గన్న తోట ప్రభల తీర్థం. ఈ వేడుకకు 400 సంవత్సరాల చరిత్ర ఉంది. అనాదిగా.. ఆనవాయితీగా వస్తున్న ఈ తీర్థం గురించి గంగలకుర్రు అగ్రహారానికి చెందిన సతీష్ అనే యువకుడు ప్రధాని మోదీకి ఈ మెయిల్ ద్వారా తెలియజేశారు. స్పందించిన ప్రధాని.. ప్రభల తీర్థాలపై ఆసక్తి కనబరిచారు. ప్రజలకు శుభాకాంక్షలు తెలిపారు. జగ్గన్నతోట ప్రభల తీర్థంలో కొలువుదీరే ఏకాదశ రుద్రుల ఆశీస్సులు అందరికీ ఉండాలని ఈ మెయిల్​ ద్వారా ఆకాంక్షించారు. ఈ ఉత్సాహంతో మరింత ఘనంగా ప్రభల తీర్థాన్ని నిర్వహించేందుకు జగ్గన్న తోట వాసులు ప్రభలు సిద్ధం చేస్తున్నారు.

ఇదీ చూడండి: