తూర్పుగోదావరి జిల్లా వాడపల్లి కొత్త వంతెన వద్ద జరిగిన ప్రమాదంలో ఓ వ్యక్తి మృతి చెందాడు. గండేపల్లికి చెందిన సానబోయిన వీరబాబు.. మిత్రుడు నాగరాజుతో కలిసి వాడపల్లి వెంకటేశ్వర స్వామిని దర్శించుకునేందుకు బయలుదేరాడు.
మార్గ మధ్యలో ద్విచక్రవాహనం అదుపు తప్పి వంతెన అప్రోచ్ స్తంభాన్ని బలంగా ఢీకొంది. ఈ ఘటనలో వీరబాబు అక్కడికక్కడే మృతి చెందగా.. నాగరాజుకు తీవ్ర గాయాలయ్యాయి. ఆత్రేయపురం పోలీసులు కేసు నమోదు చేసుకుని దర్యాప్తు చేస్తున్నారు.