పాపికొండలు పర్యాటకం పునఃప్రారంభం
పోలవరం ప్రాజెక్టును పర్యాటకంగా అభివృద్ధి చేస్తామని పర్యాటకశాఖ మంత్రి ముత్తంశెట్టి శ్రీనివాసరావు తెలిపారు. తూర్పుగోదావరి జిల్లా దేవీపట్నం మండలం పోశమ్మగండి ఆలయం వద్ద గురువారం నిర్వహించిన కార్యక్రమంలో పాపికొండలు పర్యాటకాన్ని మంత్రి పునఃప్రారంభించారు. గోదావరికి పూజలు నిర్వహించి హారతిచ్చారు. బోటుపై ఆయన పూడిపల్లి వరకు వెళ్లారు. గత తప్పిదాలు పునరావృతం కాకుండా చర్యలు తీసుకున్నట్లు వెల్లడించారు. గతంలో కచ్చులూరు వద్ద బోటు ప్రమాదం జరిగినప్పటి నుంచి విహారయాత్రను నిలిపివేశారు.