కొవిడ్ రోగులకు ప్రాణవాయువు అందించేందుకు దాతలు ముందుకు రావడం అభినందనీయమని రాష్ట్ర సాంఘిక సంక్షేమశాఖ మంత్రి పినిపే విశ్వరూప్ అన్నారు. తూర్పు గోదావరి జిల్లా సురసానియానం గ్రామంలోని చమురు సంస్థ.. రవ్వ జాయింట్ వెంచర్స్ 50 ఆక్సిజన్ సిలిండర్లను అందించేందుకు ముందుకొచ్చింది.
వీటిని సంస్థ ప్రతినిధులు మంత్రి విశ్వరూప్కు అందజేశారు. వీటిలో 30 సిలిండర్లను అమలాపురంలోని ఏరియా ఆసుపత్రికి, మిగిలిన 20 సిలిండర్లను సురసానియానం ప్రాథమిక ఆరోగ్య కేంద్రానికి కేటాయించినట్లు మంత్రి వెల్లడించారు.