కారు, ద్విచక్రవాహనం ఢీ...ఒకరు మృతి

తూర్పుగోదావరి జిల్లా చొప్పెల్ల జాతీయరహదారిపై...కారు, ద్విచక్రవాహనం ఢీకొన్న ఘటనలో ఒకరు మృతి చెందగా...మరోకరికి తీవ్ర గాయాలయ్యాయి.

తూర్పు గోదావరి జిల్లా ఆలమూరు మండలం చొప్పెల్ల జాతీయరహదారిపై రోడ్డు ప్రమాదం జరిగింది. ఈ ఘటనలో ఒకరు మృతి చెందగా మరొకరికి తీవ్ర గాయాలయ్యాయి. మూలస్థాన అగ్రహారానికి చెందిన రేలంగి నాగేశ్వరరావు, అల్లం గంగారావులు మోటార్ సైకిల్​పై రోడ్డు దాటుతుండగా...రావులపాలెం నుంచి రాజమహేంద్రవరం వైపు వెళ్తున్న కారు బలంగా ఢీకొట్టింది. నాగేశ్వరరావు అక్కడికక్కడే మృతి చెందగా... గంగారావుకు తీవ్ర గాయాలయ్యాయి. పరిస్థితి విషమంగా ఉండటంతో రాజమహేంద్రవరం ప్రభుత్వ ఆస్పత్రికి తరలించారు.

ఇదీ చూడండి: బాణాసంచా తయారీ కేంద్రంలో ప్రమాదం..