బోడసకుర్రులో కొవిడ్ కేర్ సెంటర్ సిద్ధం

తూర్పుగోదావరి జిల్లా అమలాపురంలోని బోడసకుర్రులో కొవిడ్​ కేర్​సెంటర్​ను అధికారులు సిద్ధం చేశారు. ప్రస్తుతం వెయ్యి పడకలు సిద్ధం ఉన్నాయని.. అవసరాన్ని బట్టి మరో వెయ్యి పడకల సిద్ధం చేస్తామని అధికారులు వెల్లడిస్తున్నారు.

కరోనా పాజిటివ్ కేసులు పెరుగుతున్న కారణంగా తూర్పుగోదావరి జిల్లా అమలాపురంలోని బోడసకుర్రులో కొవిడ్​ కేర్​సెంటర్​ను అధికారులు సిద్ధం చేశారు. ఇక్కడి టిడ్కో భవనాలను గత ఏడాది కొవిడ్ కేర్ సెంటర్​గా వినియోగించారు. అప్పట్లో కరోనా ప్రభావం తగ్గుతుండటంతో దాన్ని మూసివేశారు. ప్రస్తుతం కేసులు పెరుగుతుండటంతో తిరిగి ప్రారంభించారు. ఇప్పుడు ప్రస్తుతం వెయ్యి పడకలను సిద్ధం చేశామని.. అవసరం అనుకుంటే మరో వెయ్యి పడకలు సిద్ధం చేస్తామని అధికారులు వెల్లడిస్తున్నారు. ఈ సెంటర్​లో పనిచేసే సిబ్బందికి తీసుకోవాల్సిన జాగ్రత్తలపై అధికారులు అవగాహన కల్పించారు.

ఇదీ చదవండీ..విశాఖ ఉక్కు ఘనత: 12 రోజుల్లో 1,300 టన్నుల ఆక్సిజన్‌