తూర్పు గోదావరి జిల్లా అన్నవరం దేవస్థానంలో ప్రయోగాత్మక దర్శనాలు ప్రారంభించినా... దుకాణాలు మాత్రం తెరుచుకోలేదు. తాము తీవ్రంగా నష్టపోతామని దుకాణాలు తెరిచి వ్యాపారాలు నిర్వహించడానికి వ్యాపారులు ఆసక్తి చూపలేదు. ఇప్పటికే తీవ్రంగా నష్టపోయామని, దేవస్థానం తెరిచినా భక్తులు వచ్చే పరిస్థితి లేదంటున్నారు.
కరోనా వ్యాప్తి చెందుతుండటంతో సాధారణ పరిస్థితి వచ్చే వరకు దుకాణాలు తెరవబోమని అన్నవరం కొండపై వ్యాపారులు తేల్చి చెప్పారు. ఈ కారణంగా.. సత్యనారాయణ స్వామి దర్శనానికి వచ్చే భక్తులకు పూజా సామగ్రి అమ్మకాలకు... దేవస్థానం ఆధ్వర్యంలో ప్రత్యామ్నాయ ఏర్పాట్లు చేస్తున్నామని ఈవో తెలిపారు.