నూతన సంవత్సరం సందర్భంగా తూర్పుగోదావరి జిల్లా పి.గన్నవరం నియోజకవర్గంలోని పలు దేవాలయాలు రద్దీగా మారాయి. స్వామివార్లకు భక్తులు ప్రత్యేక పూజలు నిర్వహించారు. అయినవిల్లి సిద్ధి వినాయకుడు, అప్పనపల్లి బాలాజీ స్వామి ఆలయాలు భక్తులతో కిటకిటలాడాయి. ప్రజలంతా సుఖంగా ఉండాలని అర్చకులు అభిషేకాలు నిర్వహించి.....తీర్థ ప్రసాదాలను అందజేశారు.
తూర్పుగోదావరి జిల్లా ముమ్మిడివరం నియోజకవర్గం పరిధిలోని నాలుగు మండలాలు, యానంలోనూ ప్రజలు నూతన సంవత్సరానికి ఘనంగా స్వాగతం పలికారు.. మహిళలు ఇంటి ముందు రంగు రంగుల ముగ్గులు వేశారు.. యానాంలో వివిధ కార్యాలయాల సిబ్బంది డిప్యూటీ కలెక్టర్ శివరాజ్ మీనాను సత్కరించి... నూతన సంవత్సర శుభాకాంక్షలు తెలిపారు... ముమ్మడివరంలో తెదేపా మహిళా కార్యకర్తలు ఇంటింటికి వెళ్లి స్వీట్ బాక్స్ అందజేస్తూ నూతన సంవత్సర శుభాకాంక్షలు తెలిపారు..