విజయనగరం జిల్లా కొత్తవలసలో విషాదం చోటు చేసుకుంది. పైళ్లైన నాలుగు నెలలకే కొత్తజంట బలవన్మరణానికి పాల్పడింది. గ్రామస్థులు, బంధుమిత్రులు తెలిపిన వివరాలు ఇలా ఉన్నాయి.. కొత్తవలస మండలం చీపురువలసకు చెందిన కర్రి రాముకి.. తూర్పుగోదావరి జిల్లా పెద్దపురానికి చెందిన హేమదుర్గతో ఈ ఏడాది జులై ఒకటో తేదీన వివాహం జరిగింది.
రాము ప్రొక్లైన్ డ్రైవర్గా పని చేస్తున్నాడు. ఇటీవలే అతని తల్లి మరణించింది. తండ్రితోపాటు చెల్లి కూడా భర్త పిల్లలతో కలిసి రాము వద్దే ఉంటోంది. ఏం జరిగిందో తెలీదు నూతన వధువు హేమదుర్గ ఇంట్లో సీలింగ్ ఫ్యాన్కు ఉరేసుకుని ఆత్మహత్య చేసుకుంది. ఈ విషయం తెలిసిన రాము.. గ్రామ శివారులో చెట్టుకు ఉరేసుకుని బలవన్మరణానికి పాల్పడ్డాడు. నూతన దంపతుల మృతితో గ్రామంలో విషాద ఛాయలు అలుముకున్నాయి. పోలీసులు కేసు నమోదు చేసుకుని దర్యాప్తు చేస్తున్నారు.