'ఎవరింటికీ వెళ్లొద్దు... ఎవర్నీ ఇంటికి రానివ్వొద్దు'

తూర్పు గోదావరి జిల్లా కత్తిపూడిలో కరోనా పాజిటివ్ కేసులు తనను ఎంతో బాధపెట్టాయని ఎమ్మెల్యే పర్వత పూర్ణచంద్ర ప్రసాద్ అన్నారు. ప్రజలంతా లాక్​డౌన్ పాటిస్తూ ఇళ్ల నుంచి బయటకు రావొద్దని సూచించారు.

తూర్పు గోదావరి జిల్లా శంకవరం మండలం కత్తిపూడి గ్రామంలో నమోదైన 6 కరోనా పాజిటివ్ కేసులపై స్థానిక ఎమ్మెల్యే పర్వత పూర్ణచంద్ర ప్రసాద్ స్పందించారు. కరోనా వైరస్ సోకిన ఓ వ్యక్తి తన అత్తింటికి రావటంతో తమ నియోజకవర్గంలో ఆరుగురు కొవిడ్ బారిన పడ్డారన్నారు. ఈ విషయం తనని ఎంతో కలచివేసిందన్నారు. మనం ఎవరింటికీ వెళ్లొద్దు... ఎవర్నీ మన ఇంటికి రానివ్వొద్దని పిలుపునిచ్చారు. ప్రజలంతా ప్రభుత్వ నిబంధనలు పాటించాలని, రహదారులపైకి రాకుండా పోలీసులకు సహకరించాలని సూచించారు.

ఇదీ చదవండి:సాయం కోసం పడిగాపులు.. తిండి కోసం కష్టాలు