'విద్య, వైద్య, వ్యవసాయ రంగానికి పెద్దపీట'

తూర్పుగోదావరి జిల్లాకు ఇన్​ఛార్జ్ మంత్రిగా పనిచేయడం తన అదృష్టమని మంత్రి ధర్మాన కృష్ణదాస్ అన్నారు. జగ్గంపేటలో జరిగిన మార్కెట్‌ కమిటీ ప్రమాణ స్వీకార కార్యక్రమానికి ముఖ్య అతిథులుగా రాజ్యసభ సభ్యుడు పిల్లి సుభాష్‌చంద్రబోస్‌, వ్యవసాయశాఖ మంత్రి కురసాల కన్నబాబు, జిల్లా ఇన్​చార్జ్‌ మంత్రి ధర్మాన కృష్ణదాస్‌, బీసీ సంక్షేమ శాఖ మంత్రి చెల్లుబోయిన వేణు, కేంద్ర సహకార బ్యాంకు ఛైర్మన్‌ అనంతబాబు తదితరులు హాజరయ్యారు.

జగన్‌ సత్యమైతే, చంద్రబాబు అసత్యమని... అదే వారిద్దరి పాలనలో ఉన్న తేడా అని మంత్రి వేణు అన్నారు. గత ప్రభుత్వానికి భిన్నంగా, ప్రజల ఆకాంక్షల మేరకు ముఖ్యమంత్రి జగన్... పాలన చేస్తున్నారని, విద్య, వైద్యం, వ్యవసాయానికి పెద్ద పీట వేస్తున్నారని కృష్ణదాస్ పేర్కొన్నారు.

రైతులకు ఉపయోగపడే విధంగా మార్కెట్‌ కమిటీ పనిచేయాలని, రైతు సంక్షేమమే ధ్యేయంగా సభ్యులు కృషి చేయాలని రాజ్యసభ సభ్యుడు పిల్లి సుభాష్‌చంద్రబోస్‌ అన్నారు. రైతులకు వైకాపా ప్రభుత్వం అనేక పథకాలు ప్రవేశపెట్టిందని... ఉచిత విద్యుత్‌, జలకళ, రైతుభరోసా వంటి పథకాల ద్వారా రైతు సంక్షేమానికి కృషి చేస్తోందని మంత్రి కన్నబాబు అన్నారు.

తూర్పుగోదావరి జిల్లా జగ్గంపేట మార్కెట్ కమిటీ ప్రమాణ స్వీకార కార్యక్రమం జరిగింది. ఈ కార్యక్రమానికి మంత్రులు ధర్మాన కృష్ణదాస్, చెల్లుబోయిన వేణు, కురసాల కన్నబాబు, రాజ్యసభ సభ్యుడు పిల్లి సుభాష్ చంద్రబోస్, కేంద్ర సహకార బ్యాంకు ఛైర్మన్‌ అనంతబాబు తదితరులు ముఖ్య అతిథులుగా హాజరయ్యారు.

ఇదీ చదవండి: