తూర్పుగోదావరి జిల్లా కలెక్టర్ పిలుపు మేరకు దర్శకుడు సుకుమార్... రాజోలు ఆసుపత్రిలో రూ.40 లక్షల వ్యయంతో ఆక్సిజన్ ప్లాంట్ఏర్పాటు చేశారు. తన తండ్రి జ్ఞాపకార్థం నిర్మించిన ఈ ఆక్సిజన్ ప్లాంటును బీసీ సంక్షేమ శాఖ మంత్రి వేణుగోపాలకృష్ణ, కలెక్టర్ మురళీధర్ రెడ్డి ప్రారంభించారు. ఈ సందర్భంగా మంత్రి మాట్లాడుతూ.. తమ ప్రాంతంపై ఉన్న మమకారంతో ఆక్సిజన్ కష్టాలు తీర్చిన దర్శకుడు సుకుమార్ అభినందనీయులన్నారు. ఆయనను స్ఫూర్తిగా తీసుకుని దాతలు ముందుకు రావాలని కోరారు.
'దర్శకుడు సుకుమార్ను అందరూ ఆదర్శంగా తీసుకోవాలి'
ఆక్సిజన్ ప్లాంట్ను సమకూర్చిన దర్శకుడు సుకుమార్ను ఆదర్శంగా తీసుకుని పలువురు దాతలు ముందుకు రావాలని బీసీ సంక్షేమ శాఖ మంత్రి వేణుగోపాలకృష్ణ కోరారు. ఈ మేరకు దర్శకుడు సుకుమార్...ఆయన తండ్రి తిరుపతిరావు నాయుడు జ్ఞాపకార్థం నిర్మించిన ఆక్సిజన్ ప్లాంట్ను కలెక్టర్ మురళీధర్తో కలిసి మంత్రి ప్రారంభించారు.
ఆక్సిజన్ ప్లాంట్ను ప్రారంభించిన మంత్రి వేణుగోపాలకృష్ణ
నూతన సాంకేతికతతో నిర్మించిన ఈ ప్లాంట్ ద్వారా నిమిషానికి 80 లీటర్ల సామర్థ్యంతో ఉత్పత్తి అయిన ప్రాణవాయువు నేరుగా పైపుల ద్వారా 20 పడకలకు అందుతుందన్నారు. మిగిలినది స్టోరేజ్ అవుతూ..ఫిల్లింగ్ కేంద్రానికి వెళ్తుందన్నారు. అనంతరం కొవిడ్ వార్డును పరిశీలించి రోగులకు అందుతున్న సేవలపై ఆరా తీశారు. ఈ కార్యక్రమంలో జాయింట్ కలెక్టర్ కీర్తి చేకూరి, ఎమ్మెల్యే రాపాక వరప్రసాద్రావు, రాష్ట్ర ఎస్సీ కార్పొరేషన్ ఛైర్పర్సన్ పెదపాటి అమ్మాజీ తదితరులు పాల్గొన్నారు.
ఇదీ చదవండి: