WOMEN MAOIST SURRENDERED: మావోయిస్టు పార్టీకి చెందిన ఆజాద్ రక్షణ బృందంలోని లోకల్ ఆపరేషన్ స్క్వాడ్ దళ సభ్యురాలు కలుమా నందే అలియాస్ సుశీల.. తూర్పుగోదావరి జిల్లా ఎస్పీ ఎదుట లొంగిపోయారు. మావోయిస్టు సిద్ధాంతాలతో విసిగిపోయి.. ఆమె లొంగిపోయినట్లు ఎస్పీ ఎం.రవీంద్రనాథ్ తెలిపారు. గిరిజన ప్రాంతంలో జరుగుతున్న అభివృద్ధిని తెలుసుకుని.. అడవి బాట వీడి.. సాధారణ జీవితాన్ని గడపాలని నిర్ణయించుకుందని చెప్పారు.
పోలీసులకు లొంగిపోయిన మావోయిస్టు సుశీల..
తూర్పుగోదావరి జిల్లా చింతూరు మండలంలోని అల్లివాగు గ్రామానికి చెందిన సుశీల(20).. శబరి ఏరియా కమాండర్ గీత నిర్వహించిన సమావేశానికి ఆకర్షితురాలై 2019లో దళంలో చేరిందని తెలిపారు. అనంతరం ఆమెకు.. 3 రోజుల ట్రైనింగ్ ఇచ్చి.. ఒక నెల దళ సభ్యురాలిగా పంపించారని, ఆ తర్వాత ఆమెను టెక్నికల్ టీంకు పంపారని చెప్పారు.