తుని రైల్వే స్టేషన్లో ట్రైన్ కింద పడి యువకుడు ఆత్మహత్య
Suicide: ఆ యువకుడికి ఏ కష్టం వచ్చిందో ఏమో ప్రయాణికులు చూస్తుండగానే ఆత్మహత్యకు పాల్పడ్డారు. తూర్పుగోదావరి జిల్లా తుని రైల్వే స్టేషన్లో ఈ హృదయ విదారక ఘటన చోటుచేసుకుంది. గుర్తుతెలియని యువకుడు (25) తునిలో హాల్టులేని నాందేడ్‌ ఎక్స్‌ప్రెస్‌ రైలు కింద పడి బలవన్మరణం చెందడం చూపరులను తీవ్రంగా కలచివేసింది. ఈ సంఘట దృశ్యాలు రైల్వే స్టేషన్‌లోని 1వ నంబరు ప్లాట్‌ఫాంపై ఉన్న సీసీ కెమెరాలో నమోదయ్యాయి.
అంతవరకు ప్లాట్‌ఫాంపై అటుఇటు తిరుగుతూ ఉన్న అతడు రైలు రాకను గమనించి పట్టాలపైకి దిగి, ముఖానికి చేతులు అడ్డుపెట్టుకుని రైలుకింద పడిపోయారు. అక్కడికక్కడే ప్రాణాలు కోల్పోయారు. ఆ యువకుడు రాత్రి నుంచి స్టేషన్ పరిసరాల్లోనే తిరుగుతున్నట్లు స్థానికుల ద్వారా తెలిసిందని, మృతుడి దగ్గర ఎలాంటి ఆధారాలూ లభించలేదని పోలీసులు చెప్పారు.