తూర్పుగోదావరి జిల్లాలో అంతర్భాగంగా ఉన్న కేంద్ర పాలిత ప్రాంతం యానంలో ఓ వ్యక్తి దారుణ హత్యకు గురయ్యాడు. గోపాల్నగర్ శివారులో నివసిస్తున్న మోకా వెంకటేశ్వరరావుపై ఓ అగంతకుడు కత్తితో దాడి చేశాడు. వెంకటేశ్వరరావుకు తీవ్ర గాయాలు కాగా.. కుటుంబసభ్యులు ప్రభుత్వాసుపత్రికి తరలించారు. వైద్యులు చికిత్స అందించనప్పటీ ఫలితం లేకుండా పోయింది.
విషయం తెలుసుకున్న పోలీసులు.. గంటల వ్యవధిలో నిందితుడిని అదుపులోకి తీసుకున్నారు. మృతుడు అప్పు తీసుకొని చెల్లించటంలో జాప్యం చేస్తున్నాడని.., ఆర్థిక లావాదేవీల కారణంగానే కత్తితో దాడికి పాల్పడినట్లు నిందితుడు ఒప్పుకున్నాడు. ఘటనపై కేసు నమోదు చేసుకున్న పోలీసులు విచారణ చేపట్టారు. ఆసుపత్రిలో వెంకటేశ్వరరావు మృతదేహానికి శాసనసభ్యులు గొల్లపల్లి శ్రీనివాస్ అశోక్ నివాళులర్పించారు.