కాకినాడలో సీఐటీయూ ఆధ్వర్యంలో కార్మికుల ఆందోళన

కనీస వేతనాలు అమలు చేయాలంటూ కాకినాడ రుచి సోయా కంపెనీ కార్మికులు సీఐటీయూ ఆధ్వర్యంలో ఆందోళన నిర్వహించారు. న్యాయమైన తమ సమస్యలను పరిష్కరించాలని కలెక్టరేట్​లో వినతి పత్రం సమర్పించారు.

తూర్పుగోదావరి జిల్లా కాకినాడలోని రుచి సోయా కంపెనీ కార్మికులు కలెక్టరేట్ వద్ద ఆందోళన నిర్వహించారు. గత కొన్నేళ్లుగా వేతనాలు పెంచడం లేదని..పీఎఫ్, ఈఎస్ఐ అమలు చేయడం లేదని కార్మిక సంఘం నాయకులు ఆవేదన వ్యక్తం చేశారు. లాక్​డౌన్ సమయంలోనూ కార్మికులు పని చేసి పరిశ్రమకు లాభాలు అందించినా.. కనీస వేతనాలు ఇవ్వడం లేదని ఆరోపించారు. ఉన్నతాధికారులు జోక్యం చేసుకుని కార్మికుల న్యాయమైన సమస్యలను పరిష్కరించాలని డిమాండ్ చేశారు. అనంతరం కలెక్టరేట్​లో వినతిపత్రం అందించారు.

ఇదీ చదవండి: స్వీయ నిర్బంధంలోకి ప్రభుత్వ విప్​ దాడిశెట్టి రాజా