కొత్తపేట ఎమ్మెల్యే చిర్ల జగ్గిరెడ్డికి కరోనా పాజిటివ్​

కొత్తపేట ఎమ్మెల్యేకు జరిపిన పరీక్షల్లో కరోనా పాజిటివ్​గా నిర్ధారణ అయ్యింది. ప్రస్తుతం వైద్యుల సూచనలు తీసుకుని హోం ఐసోలేషన్​లో ఉంటున్నారు. గోదావరి ముంపు ప్రాంతాల పర్యటన అనంతరం వీరు అస్వస్థతకు గురయ్యారు.

కొత్తపేట ఎమ్మెల్యే చిర్ల జగ్గిరెడ్డికి కరోనా పాజిటివ్​ సోకింది. ఈ విషయాన్ని వైకాపా జిల్లా కార్యదర్శి గొలుగూరి మునిరెడ్డి, వాడపల్లి దేవస్థానం చైర్మన్​ రమేష్​ రాజులు తెలిపారు. గోదావరి వరదల వలన నష్టపోయిన రైతులు, ప్రజలకు భరోసా కల్పించేందుకు ఎమ్మెల్యే ముంపు ప్రాంతాల్లో అధికారులతో కలిసి విస్తృత పర్యటనలు చేశారు. అనంతరం అస్వస్థతకు గురై... కొవిడ్​ పరీక్షలు నిర్వహించగా పాజిటివ్​ నిర్ధారణ అయ్యిందన్నారు. వైద్యుల సూచనల మేరకు ప్రస్తుతం హోమ్​ ఐసోలేషన్​లో ఉండటానికి నిర్ణయించుకున్నారు. అందువలన 14 రోజుల పాటు నియోజకవర్గంలో ఎవరికీ అందుబాటులో ఉండరని... ప్రజలందరూ ఈ విషయాన్ని గమనించగలరని తెలిపారు.

ఇదీ చదవండి :