వశిష్ట గోదావరి మీద వంతెన నిర్మాణానికి త్వరలో టెండర్లు !

తూర్పుగోదావరి జిల్లా ఊడిమూడి లంక వద్ద రూ 49. 50 కోట్ల నిధులతో వంతెన నిర్మాణానికి టెండర్లు పిలవనున్నట్లు పంచాయతీరాజ్ డీఈఈ అన్నెం రాంబాబు తెలిపారు. వశిష్ట గోదావరిపై ఈ వంతెన పూర్తైతే నాలుగు లంక గ్రామాల ప్రజల అవస్థలు తీరనున్నాయి.

తూర్పుగోదావరి జిల్లాలోని వశిష్ట గోదావరి నది పాయపై రూ 49. 50 కోట్ల నిధులతో రెండు వరుసల వంతెన నిర్మాణానికి ఫిబ్రవరిలో టెండర్లు పిలవనున్నట్లు పంచాయతీరాజ్ డీఈఈ రాంబాబు తెలిపారు. పి.గన్నవరం మండలంలోని ఊడిమూడి లంక వద్ద చేపట్టే ఈ నిర్మాణం పూర్తైతే గోదావరి మధ్యలో గల ఊడిమూడి లంక, బూరుగు లంక, జీ .పెదపూడి లంక, అరిగెలవారిపేట లంక గ్రామాల ప్రజలు కష్టాలు తీరనున్నట్లు ఆయన పేర్కొన్నారు.

'వంతెన నిర్మాణానికి 9ఏళ్లు కింద పీఎంజీఎస్​వై నిధులు రూ.19 .20 కోట్లు మంజూరయ్యాయి. ఈ నిధులు సరిపోకపోవడం వల్ల 2018లో అప్పటి ప్రభుత్వం రూ. 49.50 కోట్ల మంజూరు చేసింది. కానీ అప్పుడు టెండర్ దశకు వెళ్లలేదు. ఇప్పుడు టెండర్ దశకు చేరుకుంది. టెండర్లు ఖరారైతే ఈ ఏడాది వరదల సీజన్​లోపు పనులు మొదలు పెట్టే అవకాశం ఉంది' అని డీఈఈ రాంబాబు వివరించారు.

ఇదీ చూడండి:వింతవ్యాధి బాధితులను పరామర్శించిన సీఎస్​ ఆదిత్యనాథ్ దాస్