తూర్పు గోదావరి జిల్లా రంపచోడవరం మండలంలోని చెరువూరు గ్రామంలో అక్రమంగా తరలిస్తున్న రేషన్ బియ్యాన్ని గ్రామస్థులు పట్టుకున్నారు. గ్రామానికి చెందిన లబ్ధిదారులకు ఇవ్వాల్సిన 40 బస్తాల బియ్యాన్ని మినీ వ్యాన్ లో కొత్తపల్లి గ్రామానికి చెందిన ఓ వ్యాపారి తరలిస్తుండగా గుర్తించిన స్థానికులు అడ్డుకున్నారు.
సంబంధిత వ్యాపారిని ప్రశ్నించగా... బియ్యాన్ని పక్క డిపోకు తీసుకెళ్తున్నట్లు సమాధానం ఇచ్చాడని చెరువూరు వాసులు తెలిపారు. ఈ విషయంపై స్థానిక తాహసీల్దార్ లక్ష్మీ కల్యాణికి ఫిర్యాదు చేశారు. విచారణలో అక్రమాలు జరిగినట్టు నిరూపణ అయితే సదరు వ్యక్తులపై చర్యలు తీసుకుంటామని తహసీల్దార్ చెప్పారు.