650 కిలోల గంజాయి పట్టివేత.. ఒకరు అరెస్టు

11:44 August 25

గంజాయి విలువ రూ.12.40 లక్షలు

తూర్పుగోదావరి జిల్లా కిర్లంపూడి మండలం కృష్ణవరం టోల్ ప్లాజా వద్ద.. లారీలో అక్రమంగా తరలిస్తున్న 650 కేజీల గంజాయిని  కిర్లంపూడి పోలీసులు స్వాధీనం  చేసుకున్నారు. విశాఖపట్నం జిల్లా నుంచి మహారాష్ట్ర తరలిస్తుండగా పోలీసులు పట్టుకున్నారు. అక్రమ రవాణాకు పాల్పడుతున్న ఒకరిని అరెస్టు చేశారు. మరో ఇద్దరు పరారీలో ఉన్నారు. అరెస్టైన వ్యక్తి నుంచి రూ.10వేలు నగదు, ఒక సెల్​ఫోన్​ను స్వాధీనం చేసుకున్నారు. 

అనంతరం నిందితుడిని రిమాండ్​కు తరలించనున్నట్లు పెద్దాపురం డీఎస్పీ శ్రీనివాస్ వెల్లడించారు. స్వాధీనం చేసుకున్న గంజాయి విలువ రూ.12.40 లక్షలు ఉంటుందని తెలిపారు.  

ఇదీచదవండి.