పేదలకు సరకులు పంచిన వైకాపా నేతలు

లాక్ డౌన్ కారణంగా పనుల్లేక ఉపాధి కోల్పోయి ఇబ్బందులు పడుతున్న భవన నిర్మాణ కార్మికులు, రోజువారీ కూలీలు, చేతివృత్తుల వారికి వైకాపా నేతలు అండగా నిలిచారు. వారికి సరకులు పంపిణీ చేశారు.

తూర్పుగోదావరి జిల్లా రాజమహేంద్రవరంలో.. భవన నిర్మాణ కార్మికులు, చేతి వృత్తుల వారికి వైకాపా నేతల ఆధ్వర్యంలో నిత్యావసరాల సరకులతో కూడిన కిట్లు పంపిణీ చేశారు. ఉప ముఖ్యమంత్రి పిల్లి సుభాష్ చంద్రబోస్, మంత్రి వనిత.. పేదలకు వాటిని అందజేశారు. 5 రోజుల పాటు సుమారు 10 వేల మందికి పంచుతామని మంత్రులు తెలిపారు.

రాజమహేంద్రవరం నగరం, గ్రామీణం, రాజానగరం నియోజకవర్గాల్లో సరకులు పంపిణీ చేయనున్నారని తెలిపారు. వైకాపా సమన్వయకర్త శివరామ సుబ్రహ్మణ్యం ఆధ్వర్యంలో ఈ కార్యక్రమం నిర్వహిస్తున్నారు. కరోనా ప్రభావంతో ప్రజలు ఆందోళన చెందాల్సిన పనిలేదని.. ముఖ్యమంత్రి జగన్ చేపట్టిన చర్యలు మంచి ఫలితాలు ఇస్తున్నాయని మంత్రులు స్పష్టం చేశారు.

ఇవీ చదవండి: