బోటు ప్రమాదంలో గల్లంతైన వారిలో ఇవాళ ఇప్పటివరకు18 మృతదేహాలు లభ్యమయ్యాయి. దేవీపట్నం వద్ద12,ధవళేశ్వరం బ్యారేజీ వద్ద 2, పోలవరం మండలంలో2, తాళ్లపూడిలో ఒక మృతదేహం లభ్యమయ్యాయి. ఆదివారం8 మృతదేహాలను సహాయసిబ్బంది గుర్తించారు. బోటు ప్రమాదంలో మొత్తం ఇవాళ్టికి26 మృతదేహాలు గుర్తించారు. మొత్తం73మందిలో26మంది సురక్షితం, 26 మృతదేహాలు లభ్యం, మరో 21 మంది కోసం గాలింపు చర్యలు కొనసాగుతున్నాయి.
గోదావరిలో జరిగిన బోటు ప్రమాదంలో మూడో రోజూ సహాయక చర్యలు కొనసాగుతున్నాయి. ఇప్పటికీ పలువురి ఆచూకీ లభించలేదు. ప్రస్తుతానికి మొత్తం 18 మృతదేహాలు లభ్యమయ్యాయి. మృతదేహాలు ఒక్కొక్కటిగా వివిధ ప్రాంతాలకు కొట్టుకువస్తున్నాయి. 14 మంది మృతదేహాలు నీళ్ల పైకి తేలగా, మరో ఇద్దరి మృతదేహాలను సిబ్బంది గుర్తించారు. ధవళేశ్వరం కాటన్ బ్యారేజీ వద్దకు ఇద్దరి మృతదేహాలు కొట్టుకువచ్చాయి. పశ్చిమ గోదావరి జిల్లా పోలవరం మండలం కొత్త పట్టిసీమ వద్ద మరొక మృతదేహాన్ని గుర్తించారు. మృతుడి జేబులో ఉన్న గుర్తింపు కార్డును పరిశీలించిన పోలీసులు..... మృతుడు హైదరాబాద్‌ మాదాపూర్‌ వాసి ఇ.సాయికుమార్‌గా గుర్తించారు.