రాఘవమ్మ చెరువులో వేలాది చేపలు మృతి
తూర్పుగోదావరి జిల్లా పెద్దాపురం మండలం రాయభూపాలపట్నంలోని రాఘవమ్మ చెరువులో వేలాది చేపలు మృతి చెంది ఒడ్డుకు కొట్టుకొచ్చాయి. 178 ఎకరాల విస్తీర్ణంలో ఉన్న చెరువు చూట్టూ విస్తరించిన ఫ్యాక్టరీల వ్యర్థాల వల్లే ఈ విధంగా జరిగిందని స్థానికులంటున్నారు.
మరోవైపు కొంతమంది ఈ చెరువులో పట్టిన చేపలనే అమ్ముతున్నారని.. మత్స్యశాఖ అధికారులు వీటిపై పరీక్షలు నిర్వహించాలని కోరుతున్నారు. చనిపోయిన చేపల నుంచి వస్తున్న దుర్వాసనతో ఇబ్బందులు పడుతున్నట్లు స్థానికులు తెలిపారు.