పింఛన్ల తొలగింపుపై కాకినాడ కలెక్టరేట్కు వినతుల వెల్లువ
పింఛను కోల్పోయిన వయో వృద్ధులు, వికలాంగులు, వితంతువులు స్పందన కార్యక్రమంలో ఫిర్యాదు చేసేందుకు తూర్పుగోదావరి జిల్లా కాకినాడలోని కలెక్టరేట్కు తరలివచ్చారు. వీరికి తెదేపా మాజీ ఎమ్మెల్యే వనమాడి కొండబాబు మద్దతుగా నిలిచారు. ప్రభుత్వ పింఛనుపై ఆధారపడి జీవిస్తోన్న నిరుపేదలకు అకస్మాత్తుగా పింఛన్ తొలగించారని ఆయన ఆవేదన వ్యక్తం చేశారు. తక్షణం పింఛన్లు పునరుద్దరించాలని డిమాండ్‌ చేశారు. అయితే వారంలో పునరుద్దరిస్తామని కలెక్టర్‌ మురళీధర్‌రెడ్డి చెప్పినప్పటికీ బాధితులకు న్యాయం జరగలేదని ఆగ్రహం వ్యక్తం చేశారు. స్పందనలో కలెక్టర్‌, జేసీ లేకపోవడం వల్ల జేసీ - 2 రాజకుమారికి ఫిర్యాదు దారులు వినతులు అందజేశారు.