ఆరో రోజూ... అదే జోరు

ఈనాడు స్పోర్ట్స్ లీగ్ లో భాగంగా జరుగుతున్న క్రికెట్ పోటీలు ఆరో రోజు ఉత్కంఠగా సాగాయి. తూర్పు గోదావరి జిల్లా రాజానగరంలోని జీఎస్ఎల్ వైద్య కళాశాల, గైట్ ఇంజినీరింగ్ కళాశాల క్రీడా ప్రాంగణంలో పోటీలు నిర్వహించారు.

తూర్పు గోదావరి జిల్లా రాజానగరంలోని జిఎస్ఎల్ వైద్య కళాశాల క్రీడామైదానంలో ఈనాడు క్రికెట్ పోటీలు కొనసాగాయి. జీబీఆర్ డిగ్రీ కళాశాల అనపర్తి, ఐడియల్ ఇన్స్టిట్యూట్ ఆఫ్ టెక్నాలజీ కాకినాడ ..మధ్య జరిగిన మ్యాచ్ ఉత్కంఠను రేకెత్తించింది. ఐడియల్ కళాశాల జట్టుపై.. జిబిఆర్ జట్టు లక్ష్యాన్ని ఛేదించి విజయం సొంతం చేసుకుంది. ఆంధ్ర కేసరి డిగ్రీ కళాశాల రాజమహేంద్రవరం, పి ఎస్ ఎన్ మూర్తి డిగ్రీ కళాశాల కాకినాడ... మధ్య జరిగిన పోటీలో పి ఎస్ ఎన్ మూర్తి డిగ్రీ కళాశాల జట్టు 10 వికెట్ల ఆధిక్యంతో విజయం సాధించింది.

ప్రగతి డిగ్రీ కళాశాల కాకినాడ, ఆదిత్య ఫార్మసీ కళాశాల సూరంపాలెం.. జట్టుతో పోటీపడి 20 పరుగుల ఆధిక్యంతో విజయం సాధించింది. గైట్ కళాశాల క్రీడా ప్రాంగణంలో.... ప్రభుత్వ జూనియర్ కళాశాల రాజమహేంద్రవరం. శ్రీ ప్రజ్ఞ జూనియర్ కళాశాల బిక్కవోలు పై 41పరుగుల ఆధిక్యం తో విజయం సాధించింది. కైట్ ఇంజనీరింగ్ కళాశాల కోరంగి జట్టు, జూనియర్ కళాశాల జట్టు తో పోటీపడి 89 పరుగుల ఆదిత్య తో ఘన విజయం సాధించింది. బీబీసీ ఇన్స్టిట్యూట్ ఆఫ్ సైన్స్ టెక్నాలజీ కళాశాల అమలాపురం, శ్రీ చైతన్య జూనియర్ కళాశాల కాకినాడకు.. జరిగిన పోరులో బీవిసీ కళాశాల జట్టు 14 పరుగుల తేడాతో విజయం సాధించింది.

ఇదీ చదవండి