ఉత్సాహంగా... ఉల్లాసంగా ధరిత్రీ దినోత్సవం వేడుక

ప్రపంచ ధరిత్రీ దినోత్సవాన్ని పురస్కరించుకుని ఈ-ఎఫ్​ఎమ్ రాజమహేంద్రవరంలో వినూత్నంగా అవగాహన కార్యక్రమం నిర్వహించారు. ఆటపాటలతో ఉత్సాహపరుస్తూనే.. ప్రకృతిని కాపాడుకోవాల్సిన బాధ్యతను వివరించారు.

ప్రపంచ ధరిత్రీ దినోత్సవం సంధర్బంగా ఈ-ఎఫ్.ఎమ్ ఆధ్వర్యంలో రాజమహేంద్రవరంలోని సరస్వతీఘాట్‌లో అవగాహన కార్యక్రమం నిర్వహించారు. ప్లాస్టిక్‌ భూతాన్ని తరిమికొట్టి... భూమిని కాపాడుకోవాల్సిన బాధ్యత ప్రతీ ఒక్కరిపై ఉందని రేడియోజాకీ మహి తెలిపారు. నగరవాసులకు పలు ఆటల పోటీలు, ప్రత్యేక కార్యక్రమాలు నిర్వహించి గెలిచిన వారికి బహుమతులు అందజేశారు. స్థానికులు ఉత్సాహంగా ఆటల పోటీల్లో పాల్గొని సందడిగా గడిపారు.