రంపచోడవరంలో కరోనా కలవరం.. లాక్​డౌన్ విధించిన అధికారులు

తూర్పుగోదావరి జిల్లా రంపచోడవరం నియోజకవర్గంలో కరోనా కేసులు పెరుగుతున్న కారణంగా లాక్ డౌన్ విధించారు. దుకాణాలను ఉదయం 6 గంటల నుంచి 11 గంటల వరకే తెరవాలని పంచాయతీ అధికారి హరినాథ్ ఆదేశించారు. నిబంధనలు అతిక్రమించినవారిపై కఠిన చర్యలు తీసుకుంటామని హెచ్చరించారు.

తూర్పుగోదావరి జిల్లా రంపచోడవరం నియోజకవర్గంలో కరోనా పాజిటివ్ కేసులు పెరుగుతున్న దృష్ట్యా లాక్ డౌన్ విధించారు. వ్యాపారులంతా ఈ నిబంధనలు పాటించాలని పంచాయతీ అధికారి హరినాథ్ బాబు స్పష్టం చేశారు. ఏజెన్సీ ప్రాంతంలో నిత్యం పదుల సంఖ్యలో కరోనా కేసులు నమోదవుతున్నాయని ఆయన తెలిపారు. ఉదయం 6 గంటల నుంచి 11 గంటల వరకు మాత్రమే దుకాణాలు తెరవాలని సూచించారు. మాస్కులు తప్పనిసరిగా ధరించాలని విజ్ఞప్తి చేశారు. నిబంధనలు పాటించకుంటే కఠిన చర్యలు తీసుకుంటామని హెచ్చరించారు. రంపచోడవరం వ్యాపారులతో మాట్లాడి లాక్ డౌన్​కు సహకరించాలని హరినాథ్ కోరారు.

ఇదీ చదవండి :'భోజనం పెట్టే విషయంలోనూ మోసమేనా?'