పోలవరం ముంపు మండలాలపై కలెక్టర్ సమీక్ష

గోదావరి నది ప్రవాహం పెరిగితే తీసుకోవాల్సిన చర్యలపై తూర్పుగోదావరి జిల్లా కలెక్టర్ మురళీధర్ రెడ్డి సమీక్ష నిర్వహించారు. పోలవరం ముంపు మండలాల్లో చేపట్టాల్సిన చర్యలపై దిశానిర్దేశం చేశారు.

పోలవరం ముంపు మండలాలపై తూర్పుగోదావరి జిల్లా కలెక్టర్ మురళీధర్ రెడ్డి అధికారులతో సమీక్ష నిర్వహించారు. కాకినాడ కలెక్టరేట్​లోని విధాన గౌతమి సమావేశ మందిరంలో ప్రాజెక్టు ఇంజినీర్లు, అధికారులతో కలెక్టర్ సమావేశమయ్యారు. పోలవరం ప్రాజెక్టులో కీలకమైన కాపర్ డ్యామ్ నిర్మాణం జరిగినందున తీసుకోవాల్సిన జాగ్రత్తలపై చర్చించారు. గోదావరి నది ప్రవాహం ఈ ఏడాది భిన్నంగా ఉండే అవకాశమున్నందున నీటిపారుదల శాఖ అధికారులు చేపట్టాల్సిన చర్యలను వివరించారు.