జాతీయ రహదారిపై ఆటోను ఢీకొట్టిన కారు
తూర్పుగోదావరి జిల్లా రావులపాలెం మండలం గోపాలపురం జాతీయ రహదారి వద్ద ప్రమాదం జరిగింది. రోడ్డుపై వెళ్తున్న ఆటోను.. కారు వేగంగా వెనుక నుంచి వచ్చి ఢీ కొట్టింది. ఆటో పక్కనే ఉన్న మురికి కాలువలోకి బోల్తా కొట్టింది. ఈ ప్రమాదంలో ఐదుగురు గాయపడ్డారు. వీరు కొత్తపేట మండలం వాడపాలెంకు చెందినవారు. స్థానికులు క్షతగాత్రులను ఆసుపత్రికి తరలించారు. ఘటనపై పోలీసులు కేసు నమోదు చేసి దర్యాప్తు చేస్తున్నారు.