తూర్పు గోదావరి జిల్లా ప్రత్తిపాడు పోలీసులు ఒక గంజాయి కేసులో స్వాధీనం చేసుకున్న కారు ఇంజిన్ మాయమైన ఘటనలో ఉన్నతాధికారులు విచారణ చేపట్టారు. పోలీస్ స్టేషన్ ప్రాంగణంలో ఉన్న కారు ఇంజిన్ను అసలు దుండగులు ఎలా ఎత్తుకెళ్లారనే కోణంలో విచారణ జరుగుతోంది.
స్థానిక సామాజిక కార్యకర్తలు ఈ విషయాన్ని ఉన్నతాధికారుల దృష్టికి తీసుకెళ్లారు. ఘటనపై సమగ్ర విచారణ జరిపి బాధ్యులపై తగిన చర్యలు తీసుకోవాలని వారు విజ్ఞప్తి చేశారు. పోలీసులే దానిని అమ్మేసి ఉంటారని వారు ఆరోపిస్తున్నారు.