బ్రేక్ వేయబోయి ఎక్స్ లెటర్ తొక్కాడు.. బీభత్సం సృష్టించాడు...

కారు డ్రైవింగ్ నేర్చుకుంటున్న ఒక వ్యక్తి పోరపాటున బ్రేక్ తొక్క బోయి ఎక్స్ లెటర్ తొక్కాడు. కారు అదుపుతప్పి రెండు వాహనాలను ఢీ కొట్టింది. ఈ సంఘటన తూర్పు గోదావరి జిల్లా రావులపాలెంలో జరిగింది.

తూర్పుగోదావరి జిల్లా రావులపాలెం ఆర్టీసీ బస్టాండ్ సమీపంలో గల్లా రాజారావు అనే వ్యక్తి కార్ డ్రైవింగ్ నేర్చుకుంటున్నాడు. ముందు వెళ్తున్న ఒక మోటార్ సైకిల్ ను తప్పించేందుకు బ్రేక్ వేయబోయి ఎక్స్ లెటర్ తొక్కాడు. దీంతో కారు వేగంగా ముందుకు దూసుకు వెళ్లింది. ముందు వెళ్తున్న మోటర్ సైకిల్ ను ఢీ కొట్టింది. ఎదురుగా వస్తున్న ట్రాలీ ఆటోనూ ఢీ కొట్టింది.

ఈ ప్రమాదంలో మోటార్ సైకిల్ పై ప్రయాణిస్తున్న గంధం ప్రసాద్ తో పాటు ఆటో డ్రైవర్ పి. అప్పారావులకు తీవ్ర గాయాలయ్యాయి. సమాచారం అందుకున్న అదనపు ఎస్సై హరికోట శాస్త్రి సంఘటనా స్థలానికి చేరుకుని కార్ డ్రైవర్​ను అదుపులోకి తీసుకున్నారు. గాయపడ్డవారిని అంబులెన్స్​లో రాజమహేంద్రవరం ఒక ప్రైవేట్ ఆస్పత్రికి తరలించారు. వీరిలో ఒకరి గంధం ప్రసాద్ పరిస్థితి విషమంగా ఉంది.
ఇదీ చదవండి'కాకినాడలో పాలు దొరకవు కానీ మద్యం ఏరులై పారుతోంది'