ఒరిగిన వంతెన.. భారీ వాహనాల రాకపోకలు నిలిపివేత

తూర్పు గోదావరి జిల్లా తాళ్ళరేవు మండలం ఇంజరం వద్ద... పాత వంతెన కొద్దిగా ఒరిగింది. భారీ వాహనాల రాకపోకలను నిలిపేశారు.

తూర్పు గోదావరి జిల్లాలోని తాళ్లరేవు వద్ద పాత వంతెన దెబ్బతింది. కాస్త ఒరిగిపోయింది. భారీ వాహనాల రాకపోకలను అధికారులు నిలిపేశారు. 1939లో పంటకాలువపై ఈ వంతెన నిర్మించారు. రామచంద్రాపురం, ద్రాక్షారామం నుంచి యానాం వెళ్లేందుకు ఇదొక్కటే మార్గం. పాత వంతెనకు మరమ్మతులు చేసే అవకాశం లేదని అధికారులు తెలిపారు. కొత్త వంతెన నిర్మించాల్సిందేనని స్పష్టం చేశారు. ఫలితంగా.. ప్రయాణికులు ఇబ్బంది పడుతున్నారు.