గౌను కుట్టించి.. మెడలో గొలుసు వేసి.. కోడికి బర్త్​డే వేడుక!

Hen birthday celebrations: పెంపుడు జంతువులకు అట్టహాసంగా జన్మదిన వేడుకలు జరిపిన సంఘటనలు తరచూ చూస్తుంటాం. అలాంటి ఓ వింత వేడుక తూర్పుగోదావరి జిల్లా అనపర్తి మండలంలో జరిగింది. ఓ యువకుడు కోడికి పుట్టిన రోజు వేడుక జరిపించాడు..!

birthday celebrations for hen: తూర్పుగోదావరి జిల్లా అనపర్తి మండలం పీరా రామచంద్రపురం గ్రామానికి చెందిన ఉదయ భాస్కర్‌.. తమ బంధువుల నుంచి 5 నాటు కోడిగుడ్లు తీసుకొచ్చి వాటిని వెంటిలేషన్​పై పొదిగించాడు. అయితే.. అందులో ఒక్క కోడిపిల్ల మాత్రమే బతికింది. ఒక్కగానొక్క ఆ కోడిపిల్లకు "మోటు" అని నామకరణం చేసి అల్లారు ముద్దుగా పెంచుకుంటున్నాడు. గతేడాది చెన్నైలో ఉండడంతో అక్కడే మోటుకు పుట్టిన రోజు వేడుకలు నిర్వహించాడు.

ఈ ఏడాది స్వగ్రామం రామచంద్రపురం రావడంతో రెండో పుట్టిన రోజు వేడుకను అక్కడే నిర్వహించాలని భావించాడు. అనుకున్నట్లుగా.. కోడికి గౌను కుట్టించి, గొలుసులు వేసి 2వ పుట్టినరోజును ఘనంగా జరిపాడు. ఉదయ భాస్కర్‌ స్నేహితులు.. 'మోటు'తో సెల్ఫీలు దిగుతూ ఉత్సాహంగా ఆ వేడుకలో పాల్గొన్నారు. మే 11న జరిగిన ఈ ఘటనకు సంబంధించిన వీడియోలు సామజిక మాధ్యమాల్లో చక్కర్లు కొడుతున్నాయి.

ఇదీ చదవండి: