ఏసిబి వలలో అన్నవరం సీనియర్ అసిస్టెంట్
తూర్పు గోదావరి జిల్లా అన్నవరం దేవస్థానంలో ఓ గుత్తేదారు నుంచి లంచం తీసుకుంటూ సీనియర్ అసిస్టెంట్ సాయిబాబా అవినీతి నిరోధకశాఖ అధికారులకు చిక్కారు.దేవస్థానానికి సంబంధించి ఓ పనికోసం గుత్తేదారుకు డిపాజిట్ సొమ్ము40వేలు తిరిగి ఇవ్వటానికి5వేలు లంచం డిమాండ్ చేశారు.డబ్బులు ఇవ్వటం ఇష్టంలేని గుత్తేదారు ఏసీబీ అధికారులకు ఉప్పందించారు.పథకం ప్రకారం సాయిబాబా డబ్బులు తీసుకుంటుండగా అధికారులు వల పన్ని పట్టుకున్నారు.ఉద్యోగిని అదుపులోకి తీసుకున్నట్లు ఏసీబీ డీఎస్పీ రామచంద్రరావు తెలిపారు.