'బాలికపై అత్యాచారం కేసులో 12 మంది అరెస్టు'

తూర్పుగోదావరి జిల్లాలో బాలికపై అత్యాచారం కేసులో నిందితులను అరెస్టు చేశామని ఎస్పీ షీమోషి బాజ్​పాయ్​ వెల్లడించారు. నిందితుల్లో నలుగురు ఆటో డ్రైవర్లు ఉన్నారని తెలిపారు. బాలికను ఉద్యోగం పేరిట అనిత అనే మహిళ ట్రాప్​ చేసిందని ఎస్పీ వివరించారు. నిందితులపై పోక్సో, ఎస్సీ, ఎస్టీ, అత్యాచారం సెక్షన్ల కింద కేసు నమోదు చేసినట్లు చెప్పారు.

తూర్పుగోదావరి జిల్లాలో బాలికపై అత్యాచారం కేసులో 13 మందిని నిందితులుగా గుర్తించామని.. 12 మందిని అరెస్టు చేశామని ఎస్పీ షీమోషి బాజ్​పాయ్​ తెలిపారు. వీరిపై పోక్సో, ఎస్సీ, ఎస్టీ అత్యాచారం సెక్షన్ల కింద కేసు నమోదు చేసినట్లు వివరించారు. ఉద్యోగం పేరిట అనిత అనే మహిళ బాలికను ట్రాప్​ చేసిందని ఎస్పీ చెప్పారు. నిందితుల్లో నలుగురు ఆటో డ్రైవర్లు ఉన్నారన్న ఎస్పీ.. ఒకరు మైనర్​ కాగా.. మరో ఇద్దరు నిందితులకు కరోనా పాజిటివ్​గా నిర్ధరణ అయ్యిందని అన్నారు. కోరుకొండ స్టేషన్​లో కేసు నమోదు చేయలేదనే ఆరోపణలపై విచారణ చేస్తామని ఎస్పీ స్పష్టం చేశారు.

బాలికపై వేధింపులు

ఐదుగురు నిందితులు బాలికను గత నెల 22న రంపచోడవరం తీసుకెళ్లి.. ఆటోలో వేర్వేరు ప్రదేశాలకు తిప్పుతూ అత్యాచారం చేశారని రాజమహేంద్రవరం నార్త్​ జోన్​ డీఎస్పీ తెలిపారు. క్వారీ ప్రాంతంలో పాడుబడిన ఇంట్లోకి తీసుకెళ్లి దారుణానికి ఒడిగట్టారని చెప్పారు. లావణ్య అనే మహిళ ఇంటికి కూడా తీసుకెళ్లి వేధింపులకు గురి చేశారని వివరించారు. ఇంట్లో చెబితే చంపేస్తామని బాలికను బెదిరించినట్లు డీఎస్పీ చెప్పారు.

ఇదీ చూడండి..