మహిళా గ్రామ వాలంటీర్​పై వైకాపా నేతల దాడి

చిత్తూరు జిల్లాలో ఓ మహిళా గ్రామ వాలంటీర్​పై వైకాపా నాయకులు దాడికి పాల్పడ్డారు. తమ ఇంటికీ ఎందుకు నీరు సరఫరా చేయడం లేదని ప్రశ్నించినందుకు దాడి చేసినట్లు బాధితురాలు తెలిపారు.

చిత్తూరు జిల్లా కలకడ మండలం నవాబ్ పేట దళిత వాడ గ్రామ మహిళా వాలంటీర్​పై వైకాపా నాయకులు దాడికి పాల్పడ్డారు. గ్రామంలో అందరికీ ట్యాంకర్​తో నీటిని అందించి తమ ఇంటికి మాత్రమే నీటిని సరఫరా చేయటం లేదు ఎందుకని ప్రశ్నించినందుకు... దాడికి పాల్పడ్డారని పోలీసులకు వాలంటీర్​ ఫిర్యాదు చేశారు. కర్రలు, రాళ్లతో ఇంటిపై దాడికి దిగి సామగ్రి ధ్వంసం చేశారని ఆమె పోలీసులకు ఫిర్యాదు చేశారు. తనకూ తన కుటుంబ సభ్యులకు తీవ్రగాయాలయ్యాయని... న్యాయం చేయాలని కోరారు.

ఇదీ చదవండి:'విశాఖ పర్యటనకు చంద్రబాబు దరఖాస్తు చేస్తే అనుమతి ఇస్తాం'