చిత్తూరు జిల్లా, చంద్రగిరి మండలం శ్రీవారిమెట్టు సమీపంలోని పావురాల గుట్ట వద్ద కూంబింగ్ నిర్వహిస్తున్న టాస్క్ ఫోర్స్ అధికొరులకు సుమారు 20 మంది తమిళ స్మగ్లర్లు తారసపడ్డారు. రాళ్ళతో దాడికి పాల్పడ్డారు. దట్టమైన అడవిలోకి పారిపోతున్న వారిని టాస్క్ ఫోర్స్ సిబ్బంది వెంటాడి ముగ్గురుని అరెస్ట్ చేశారు.
వారి నుంచి రూ. 30 లక్షల విలువైన ఎర్రచందనం దుంగలు స్వాధీనం చేసుకున్నారు. పట్టుబడిన వారిని పాత కేసుల్లో ముద్దాయిలుగా గుర్తించారు. తమిళనాడుకు చెందిన కుమార్ అనే వ్యక్తి ద్వారా ఎర్రచందనం కూలీలు అడవుల్లోకి వచ్చినట్లు విచారణలో తెలిసిందని డీఎస్పీ చెప్పారు. పరారైన వారి కోసం గాలిస్తున్నామన్నారు.