క్యూలో ఉన్నారు... భౌతిక దూరం మరచారు!
కరోనా ఆంక్షలను పక్కన పెట్టి.. మద్యం కోసం మందుబాబులు బారులుతీరిన దృశ్యాలు చిత్తూరు జిల్లాలో కనిపించాయి. పాలసముద్రం మండలంలోని బలిజకండ్రిగ, గంగమాంబపురంలో ప్రభుత్వం నిర్వహిస్తున్న రెండు మద్యం దుకాణాలకు తమిళనాడు నుంచి జనం పోటెత్తారు. మొదట గుంపులు గుంపులుగా మందు కోసం ఎగబడ్డారు. వరుస క్రమంలో రాకపోతే విక్రయాలు నిలిపివేస్తామని దుకాణ నిర్వాహకులు హెచ్చరించడంతో.. భౌతికదూరం, మాస్కులు లేకుండానే వరుసలో నిలుచున్నారు.