'శస్త్ర చికిత్సలు చేసేందుకు ఆయుర్వేద వైద్యులకు అనుమతి సరికాదు'

కేంద్ర ప్రభుత్వం తీసుకువచ్చిన ఎన్​ఎమ్​సీ వైద్య విధానం ద్వారా ఆయుర్వేద వైద్యులకు శస్త్ర చికిత్స చేసే అనుమతి సరికాదని...చిత్తూరులో వైద్యులు నిరసన తెలిపారు.

కేంద్ర ప్రభుత్వం తీసుకువచ్చిన ఎన్​ఎంసీ వైద్య విధానం ద్వారా ఆయుర్వేద వైద్యులకు శస్త్ర చికిత్స చేసే అవకాశం ఇవ్వడాన్ని నిరసిస్తూ చిత్తూరు ఐఎమ్​ఏ వైద్యులు నిరసన తెలిపారు. స్థానిక లక్ష్మి ఆసుపత్రిలో జరిగిన కార్యక్రమంలో ఐఎమ్​ఏ నగర కార్యదర్శి నారాయణ రెడ్డి ఆయుర్వేద వైద్యం అందించే వారికి కొత్తగా 58 రకాల శస్త్ర చికిత్సకు అనుమతివ్వటం సరికాదన్నారు. ప్రజల ఆరోగ్యానికి హాని కలుగుతుందని చెప్పారు. ఈ నిర్ణయాన్ని వెనక్కు తీసుకోవాలని డిమాండ్ చేశారు. ఈ నేపథ్యంలో ఈ నెల 11వ తేదీన దేశవ్యాప్తంగా వైద్య సేవలు బంద్ చేయనున్నట్లు పేర్కొన్నారు. ఈ కార్యక్రమంలో ఐఎమ్​ఏ నాయకులు వెంకటరమణారెడ్డి, ప్రభాకర్ రెడ్డి, విష్ణువర్ధన్ రెడ్డి తదితరులు పాల్గొన్నారు.

ఇదీ చదవండి: