చిత్తూరు జిల్లాలో ఎర్రచందనం స్మగ్లర్ల అరెస్ట్
చిత్తూరు జిల్లా శేషాచల అడవులలో భాకరాపేట అటవీశాఖ అధికారులు కూంబింగ్ నిర్వహించారు. వారికి తలకోన అటవీప్రాంతంలో మర్రిమానుదడి వద్ద 40 మంది స్మగ్లర్లు తారసపడ్డారు. అధికారుల రాకను గమనించిన స్మగ్లర్లు ఎర్రచందనం దుంగలను పడేసి దట్టమైన ఆటవీప్రాంతంలోకి పారిపోయారు. వారిని వెంటాడిన సిబ్బంది పరిసర ప్రాంతాల్లో 30 ఎర్రచందనం దుంగలు, ఏడుగురు తమిళ స్మగ్లర్లను అదుపులోకి తీసుకున్నారు. పారిపోయిన స్మగర్ల కోసం అటవీ సమీప ప్రాంతాల్లో గాలిస్తున్నారు.