"అడవులు వృద్ధి చెందాలంటే.. విత్తనం పడాల్సిందే"

అడవులు వృద్ధి చెందాలంటే విత్తనం పడాల్సిందే..అంటూ ప్రకృతి వ్యవసాయ నిపుణులు బోదుషా వలి ప్రకృతిని పెంచేందుకు నడుం బిగించారు. చెట్లు లేక బోసిపోయిన అడవులు వృద్ధే లక్ష్యంగా సుమారు 20 లక్షల మొక్కల విత్తనాలను అడవిలో వెదజల్లే కార్యక్రమానికి పూనుకున్నారు.

చిత్తూరు జిల్లా పీలేరు పట్టణ శివారులోని బోడుగుట్టల్లో 20 లక్షల విత్తనాలను చల్లారు. ప్రముఖ ప్రకృతి వ్యవసాయ నిపుణులు బోదుషా వలి ఆధ్వర్యంలో ఈ కార్యక్రమం నిర్వహించారు. ప్రస్తుతం రాష్ట్రవ్యాప్తంగా విస్తారంగా వర్షాలు కురుస్తుండటంతో భారీ సంఖ్యలో విత్తనాలను వేశారు. ఇందులో వేప, కానుగ, సుబాబుల్, శ్రీగంధం, ఎర్రచందనం, గుల్మొహర్ వంటి అటవీ వృక్షాల విత్తనాలను వెదజల్లారు. ఈ కార్యక్రమంలో అటవీ, ఉద్యానవన, వ్యవసాయ శాఖ అధికారులతో పాటు పలు కళాశాలల అధ్యాపకులు, విద్యార్థులు భారీగా పాల్గొన్నారు.

ఇదీ చూడండి:

అలిగావా చిట్టి చిలకా!... దిగిరావా నేలవంకా?