తిరుమలకు తరలిస్తున్న మద్యం, మాంసం పట్టివేత

చిత్తూరు జిల్లా తిరుమలలోని అలిపిరి తనీఖీ కేంద్రంలో... మద్యం, మాంసాన్ని తరలిస్తున్న వ్యక్తిని తితిదే విజిలెన్స్ అధికారులు అదుపులోకి తీసుకున్నారు.

చిత్తూరు జిల్లాలోని తిరుమలకు మద్యం, మాంసంను తరలిస్తున్న వ్యక్తిని తితిదే విజిలెన్స్ సిబ్బంది పట్టుకున్నారు . వెంకటముని అనే వ్యక్తి కారులో తరలిస్తున్న ఎనిమిది మద్యం సీసాలు , ఐదు కిలోల మాంసం స్వాధీనం చేసుకున్నారు. లాక్ డౌన్ సమయంలో నిషేదిత వస్తువులను తిరుమలకు తరలిస్తున్నట్లు తితిదే తెలిపింది. వెంకటముని నిత్యం కొండపైకి వెళ్తున్న సమయంలో... అనుమానం వచ్చి తనిఖీలు చేయగా కారులో నిషేదిత వస్తువులను ఉంచి తరలిస్తుండగా పట్టుకున్నట్లు భద్రతా సిబ్బంది తెలిపారు. నిందితుడిని అదుపులోకి తీసుకుని పోలీసులు విచారిస్తున్నారు.

ఇదీ చదవండి:'మద్యం దుకాణాలు మూసేయకుంటే ఆత్మహత్యలే శరణ్యం'