తిరుపతిలో.. స్మార్ట్​ సిటీ ఫొటో వర్క్​షాప్

తిరుపతి ఎస్వీ విశ్వవిద్యాలయంలో స్మార్ట్ సిటీ కార్పొరేషన్ ఆధ్వర్యంలో నిర్వహించిన ఫొటోగ్రఫి వర్క్ షాప్​కు మంచి స్పందన లభించింది. ముఖ్య అతిథిగా నగరపాలక సంస్థ కమిషనర్​ విజయరామరాజు హాజరయ్యారు. ప్రముఖ ఛాయచిత్ర నిపుణుడు గురుచరణ్​ ఔత్సాహికులకు నైపుణ్య సూత్రాలు వివరించారు.

మారుతున్న సాంకేతికతకు అనుగుణంగా ఫొటోగ్రఫీలో మార్పులు రావాల్సిన అవసరం ఉందని తిరుపతి నగరపాలక సంస్థ కమిషనర్ విజయరామరాజు అన్నారు. స్థానిక ఎస్వీ విశ్వవిద్యాలయంలో స్మార్ట్ సిటీ కార్పొరేషన్ ఆధ్వర్యంలో నిర్వహించిన ఫొటోగ్రఫి వర్క్ షాప్​కు ఆయన ముఖ్య అతిథిగా హాజరయ్యారు. ప్రముఖ ఫొటోగ్రాఫర్ గురు చరణ్....కార్యక్రమంలో ఔత్సాహికులకు మెళకువలు నేర్పించారు. స్మార్ట్ సిటీగా ఎదుగుతున్న తిరుపతి అందాలను ఆవిష్కరించే ప్రయత్నంలో భాగంగా ఈ కార్యశాలను ఏర్పాటు చేశామని విజయరామరాజు అన్నారు. నవయుగ ఫొటోగ్రాఫర్ల బృందం ఈ వేదికను సద్వినియోగపర్చుకోవాలని కోరారు.

ఇవీ చదవండి...అవినీతి రాజకీయాల అంతం కోసం.. సైకిల్ యాత్ర