మాచ్​ఖండ్ జల విద్యుత్​ కేంద్రంలో నిలిచిన ఉత్పత్తి

సాంకేతికలోపంతో మాచ్​ఖండ్ జల విద్యుత్ కేంద్రంలో విద్యుత్ ఉత్పాదన నిలిచింది. దీని వల్ల వందల మెగావాట్ల విద్యుత్ ఉత్పత్తికి నష్టం వాటిల్లింది.

ఆంధ్ర-ఒడిశా రాష్ట్రాల ఉమ్మడి నిర్వహణలో ఉన్న మాచ్​ఖండ్ జలవిద్యుత్ కేంద్రంలో విద్యుత్ ఉత్పాదన నిలిచిపోయింది. శుక్రవారం మధ్యాహ్నం విశాఖ ఫీడర్స్​లో సాంకేతికలోపo తలెత్తి.. వినియోగంలో ఉన్న అయిదు జనరేటర్లు నిలిచిపోయాయి. అనంతరం అధికారులు నిన్న రాత్రి రెండు జనరేటర్లు వినియోగంలోకి తెచ్చినప్పటికీ మళ్లీ వెంటనే నిలిచిపోయాయి. విద్యుత్ కేంద్రంలోని ఆక్సలరీస్​లో తలెత్తిన లోపం వలన మాచ్​ఖండ్​తో పాటు జోలపుట్, ఒనకడిల్లిలో అంధకారం అలుముకుంది.

ఎట్టకేలకు అధికారులు నిన్న రాత్రి నుంచి తెల్లవారు జాము వరకు శ్రమించి లోపాన్ని సరిదిద్ది విద్యుత్ సరఫరా బాక్ ఫీడింగ్ ద్వారా పునరుద్ధరించారు. నిన్నటినుంచి ఇవాళ ఉదయం 11.30 వరకు విద్యుత్ ఉత్పాదన నిలిచిపోవడం వలన ప్రతి గంటకు 82 మెగావాట్ల విద్యుత్ ఉత్పత్తి నష్టం వాటిల్లింది. 6 దశాబ్దాల చరిత్ర ఉన్న మాచ్​ఖండ్​లో ఎప్పుడు ఎటువంటి సంఘటన చోటు చేసుకోలేదు. ప్రస్తుతం అధికారులు దశల వారీగా జనరేటర్లను వినియోగంలోకి తీసుకురావడానికి శ్రమిస్తున్నారు.