తిరుపతిలో ఘనంగా ప్రారంభమైన 'పోలీస్ డ్యూటీమీట్'
తిరుపతి పోలీస్ పరేడ్‌ మైదానం, కల్యాణి డ్యాం పోలీస్ శిక్షణా కళాశాల వేదికగా రాష్ట్ర పోలీస్ డ్యూటీ మీట్ను ఉపముఖ్యమంత్రి నారాయణస్వామి, డీజీపీ గౌతం సవాంగ్ ప్రారంభించారు. 'ఇగ్నైట్‌' అనే పేరుతో 4 రోజులపాటు స్టేట్‌ పోలీస్ డ్యూటీమీట్ నిర్వహించనున్నారు. రాష్ట్ర విభజన తర్వాత తొలిసారి జరుగుతున్న ఈ వేడుకలను.. జాతీయస్థాయి ప్రమాణాలతో జరపుతున్నారు. పోలీస్ శాఖ శక్తియుక్తులు చాటిచెప్పేలా.. 18 విభాగాల్లో 22 పోటీలు నిర్వహించనున్నారు. ఇందుకోసం 13 జిల్లాల నుంచి 450 మంది సిబ్బంది తిరుపతి తరలివచ్చారు.