ద్విచక్రవాహనాలను చోరీ చేస్తున్న ముఠాను చిత్తూరు జిల్లా పుత్తూరు పోలీసులు అరెస్ట్ చేశారు. వారి వద్ద నుంచి 15 ద్విచక్రవాహనాలను స్వాధీనం చేసుకున్నారు. చెడువ్యసనాలకు బానిసైన... గేట్ పుత్తూరు సమీపంలో నివసించే మస్తాన్ (19), లోకేష్ (20), వెదురుకుప్పం మండలానికి చెందిన భానుప్రకాశ్ (20)లు కలసి బైకులు దొంగతనం చేసేవారు. చెడు వ్యసనాలైనా గంజా , మద్యం , ఇతర డ్రగ్స్ తీసుకోవడానికి అలవాటుపడి, వాటి ఖర్చు కోసం..గత రెండు నెలలనుంచి చోరీలకు పాల్పడుతున్నారు.
పుత్తూరు మండలం సమీపంలో గల వడమాలపేట , వెదురుకుప్పం కార్వేటినగరం , ఎస్ఆర్ పురం, జీడీనెల్లూరు మండలాలలో ద్విచక్ర వాహనాలను దొంగతనం చేశారని.. డీస్పీ డాక్టర్ యశ్వంత్ తెలిపారు. అలా దొంగతనం చేసిన ద్విచక్ర వాహనాలను పుత్తూరు సమీపంలో అమ్మితే పట్టుబడతారని.. తెలివిగా తమిళనాడులో అమ్మేవారని ఆయన అన్నారు.