చిత్తూరు జిల్లా చంద్రగిరి మండలం తొండవాడ పంచాయతీలో విధులు నిర్వహిస్తున్న ఫీల్డ్ అసిస్టెంట్ సెలవుపై వెళ్లాడు. దీంతో వాలంటీర్ భానుప్రియ.. ఉపాధి హామీ కూలీల వద్ద శనివారం సాయంత్రం సంతకాలు సేకరించారు. అదే గ్రామానికి చెందిన కొంతమంది జాబ్ కార్డు లేకున్నా ఉపాధి పని చేశారు. వాలంటీర్ వారి దగ్గర సంతకాలు తీసుకోకపోవడంతో ఘర్షణకు దిగారు. భానుప్రియ తలపై రాయితో దాడికి పాల్పడ్డారు. తీవ్రంగా గాయపడిన భానుప్రియను చంద్రగిరిలో ఏరియా ఆసుపత్రికి తరలించారు. మెరుగైన వైద్యం కోసం ఆమె కుటుంబ సభ్యులు ఆదివారం తిరుపతి రుయా ఆసుపత్రిలో చేర్చారు. భానుప్రియ ఫిర్యాదుతో కేసు నమోదు చేసిన చంద్రగిరి పోలీసులు విచారణ చేపట్టారు.
ఉపాధి పనుల్లో వివాదం.. వాలంటీర్పై దాడి - చిత్తూరు తొండవాడలో వార్డు వాలంటీర్పై దాడి వార్తలు
చిత్తూరు జిల్లా చంద్రగిరి మండలం తొండవాడలో మహిళా వాలంటీర్పై కొందరు దాడికి పాల్పడ్డారు. ఈ ఘటనలో వాలంటీర్ తలకు బలమైన గాయమైంది. ఆమెను కుటుంబ సభ్యులు రుయా ఆసుపత్రికి తరలించారు.
people attack on volunteer in chittoor